Antologi Geguritan
LANGITE KALINGAN MEGA
Karya Utus Wahyudi
Editor S. Jai
Penerbit Pagan Press, Agustus 2016,
60 Halaman
Jeneng Utus Wahyudi ing kalangane jagad
susastra Jawa mligine ing genre crita
cerkak (cerkak) pancen dudu wong anyar
katon, nanging klebu golongane pengarang
kang wis mlebu daftar sastrawan Jawa ing
Jawa Wetan. Anggone nulis geguritan uga
wis suwe, emane durung akeh sing kababar
kaya cerkak-cerkake. Antologi geguritan
LANGITE KALINGAN MEGA kang kaimpun
iki ana 41 cacahe. Mesthine wis dadi gurit
pinilih saka sapirang-pirang guritan kang wis
kasil kaanggit dening sedulur Utus Wahyudi
sasuwene iki.
Nitik latare sing asli Trenggalek kang
sabanjure kabuncang angin ngleyang njur
ceblok ing laladan Jember iki, ora aneh
yen sajake Utus Wahyudi banjur rada
mrica sapala “kelangan” sithik basa Jawane. Ora kok ilang
Jawane, nanging anggone nulis guritan kang
prayogane nganggo tembung lan ukara
edipeni utawa murwakanthi, ing guritanguritane,
iki isih ana tembung kang mlaha.
Wantah. Salugune. Dadi malih gampang
dimangerteni dening pamaca.
Semono uga pilihan tembung kang cekak,
aos lan tata pangrakite isih kaya guritan
umume. Isine gurit racake bab alam, bumi,
langit, lan jagad raya, ora patiya nggepok
senggol bab katresnan utawa panguripan,
sanajan ana sawetara bab asmara. Ora dadi
apa. Jer nyatane kabeh penggurit iku seje silit
ya seje anggit.
Sing baku tansah nggurit, ngasilake karya
kang bisa nambahi khasanah tumrap basa lan
sastra Jawa. Tekad nerbitake antologi guritan
iki mujudake krenteg kang patut diapresiasi
dening sapa wae kang isih ngrungkebi basa
lan sastra Jawa..
Salam,
Narko “Sodrun” Budiman
(Pangarsa Sanggar Sastra Triwida)
Tidak ada komentar:
Posting Komentar