PAGAN PRESS

JUJUR, kumpulan crita cekak

Penulis Utus Wahyudi

Pengantar Bonari Nabonenar

Pagan Press, Nov 2016

142 halaman

Yen gelem nyemak riptan basa Jawa gagrag anyar ing ariwarti,

kalawarti, apadene kang akeh sumebar ing kacamaya,

mesthi bisa nemokake akeh pangripta apadene panggurit kang

mumpuni ing bab kaskayaning tembung-tembung basa jawa

malah banjur kejlegong ing kahanan kaladuk ngumbar mrojole

tembung-tembung utawa rakitaning tembung kang wus arang

digunakake ing basa padinan jaman saiki. Pancen, sakala kang

maca banjur bisa gawe dudutan manawa pangripta banget

mumpuni ing bab kaskayaning tembung basa Jawa, klebu basa

Kawi kang wus kasilep jaman, kang arang-kadhing mung muncul

ing kethoprakan, pakeliran, utawa ing upacara pengantenan.

Nanging, kaladuk ngumbar tembung-tembung kang bisa

diarani wis kasilep jaman iku adhakane malah ndadekake

sawijing crita utawa guritan njuwarehi. Utus Wahyudi, kanthi

crita-crita kang kababar ing buku iki wis mbuktekake manawa

dheweke uwal saka jeglongan kuwi. Crita- crita kang kababar

ing buku iki, basa Jawa-ne deles, nanging seger. •